BonaireNet Info

Bonaire
Home Page

Bonaire
Español

Bonaire
Nederlands

Bonaire
English

Bonaire
Papiamento

Bonaire
Contact
BonaireNet

Bonaire, a diver's paradise, is Unhurried, Unspoiled, Unforgettable

Sitio: Boneiro ta forma parti di grupo di islanan Karibense, ku ta for di e punta nort-oost di Sur-Amerika te na Florida na Nort-Amerika. E grupo grandi di isla aki ta wordu yamá tambe "Antias".

Di e islanan abou Boneiro ta e isla situa mas pariba. E ta situa pa ta eksakto entre 12 grado 2' i 12 grado 19' nort entre 68 grado 11' i 69 grado 25' west. E isla ta masomenos 70 kilometer pariba di Korsou i e distansia for di Sur Amerika (Venezuela) ta kasi 180 kilometer.

Boneiro tin un forma ku ta laga bo pensa riba un "boomerang". Den e knik, di kua e banda hol ta na suitwest, nos ta haña masomenos 2 kilometer for di kosta e isla chikitu Klein Bonaire.
E isla di koral aki ta 6 kilometer kuadrá i e ta inhabitá. Klein Bonaire ta gosa di su popularidat partikularmente debi na e bunita sitionan di buseo ku tin rondo di e isla. Banda di esei tambe pustamentu di boto i piknik ta wordu organisa na Klein Bonaire. Kasi tur hotel/apartamentu tin posibilidat di paseo ku piknik na Klein Bonaire. For di e isla tin un bunita bista riba e kosta di Bonaire.

Kultura: Un meskla di antepasadonan a resulta na Antias Hulandes den un poblashon varia. Atrabes di siglonan e diferente influensianan kultural a para bira un kultura kreol. Un parti importante di esaki ta e desaroyo di Papiamentu, un idioma den kua bo por haña e diferente influensianan aki bèk. E meskla di kustumber i tradishonnan a resulta den trahe, musika i formanan di baile tipiko Antiano.

Turismo:Na Boneiru, kompara ku Aruba, Korsou i Sint Maarten, turismo ta den su komienso ainda, pero e tin perspektivanan pa krese i bira un di e destinashonnan mas atraktivo pa turistanan. Spesialmente un oumento di turismo di buseo ta konta den e posibilidatnan Boneiru ta wordu konsidera un di e 3 miho sitionan di buseo na mundu i dia pa dia mas buseador ta diskubriendo esaki. E kapasidat di hotelnan ta adaptando di un forma sublime na esaki.

Flora i Fauna:Boneiru ta konosi spesialmente pa e presensia di e flamingo Karibense. Na diferente parti di e isla bo por topa e flamingo koló ros ainda na gran kantidat. Flamingonan tin hopi eksigensia pa nan luganan di broei. Por ehempel e tera kaminda nan ta traha nan neshi no mester ta muchu duru ni muchu moli. Otro eksigensia importante ta e presensia di sufisiente kuminda salu i awa pa bebe den nan besindario direkto. Trankilidat apsoluto tambe ta un faktor importante. Boneiru ta kouteloso ku su sitionan di broei di flamingo i e hendenan ta hasi tur kos pa e paranan aki por broei den tur trankilidat. Uniko tambe pa e isla ta e papagai amazona ku hala hel, konosi tambe lokalmente bou di e nomber "lora".

Laman: E refinan di koral di Boneiru ta wordu konsidera esnan di mas bunita na mundu. No solamente e refinan di koral ta bunita, e piskanan tambe ta impreshonante. Spesialmente rondo di Boneiru e fauna i flora di laman ta probecha klaramente di e echo ku gobiernu di Boneiru a deklara e kosta rondo di e isla na aña 1979 komo protehá. Ningun kaminda den area di Karibe e piskanan ta asina hopi i mansu manera rondo di Boneiru ( tin sierto tiponan di piska ku asta ta laga bo duna nan kuminda ).

Klima: Na Boneiru e temperatura anual promedio ta masomenos 27.5 grado Celcius. E diferensia den temperatura entre temporada di verano i invierno ta masomenos 3 grado. Riba e isla tin un bientu nort-oost passaat ta supla. Tormenta tropikal i tornado no sa aparese na Boneiru. Kasi hinter aña tin solo i sekura. E temperatura promedio di laman ta 26 grado Celcius.

Pa mas informashon wak YellowpagesBonaire .

Go to top Go to top

Back to BonaireNet

Design & Lay-out: BonaireNet n.v.